Կլինիկական դեպքի նկարագրություն
Բժիշկ՝ Նելլի Մերտզանիդու
Պացիենտ՝ Կին, 25 տարեկան
Գանգատներ՝
• Տարածուն մաշկային ցան
• Անզուսպ քոր
• Ընդհանուր թուլություն
• Հոգնածության զգացողություն
• Աղիների անկանոն գործունեություն
Հիվանդության անամնեզ
Պացիենտը նախկինում բազմաթիվ անգամներ դիմել է տարբեր բուժհաստատություններ՝ վերոնշյալ գանգատներով։
Ախտորոշվել է որպես քրոնիկ սպոնտան եղնջացան։
Ստացել է սիմպտոմատիկ բուժում, որը ժամանակավորապես թեթևացրել է քորը, սակայն մաշկային ցանը շարունակել է պահպանվել։
Լաբորատոր և գործիքային հետազոտություններ
Բժիշկ Ն. Մերտզանիդուն, մանրակրկիտ ուսումնասիրելով պացիենտի պատմությունն ու կլինիկական պատկերը, նշանակել է համալիր լաբորատոր հետազոտություններ, որոնց արդյունքում հայտնաբերվել է՝
• Ֆոլաթթվի մակարդակի նվազում
• Երկաթի մակարդակի զգալի անկում
Նշանակվել է համապատասխան բուժում՝ վիտամինային և երկաթի հավելումներով։
Սակայն մեկ ամիս անց կրկնակի անալիզները ցույց տվեցին ցուցանիշների հետագա նվազում։
Հետագա քայլեր
Կասկածելով ներծծման խանգարման առկայությանը՝ պացիենտն ուղղվել է գաստրոէնտերոլոգի խորհրդատվության։ Վերջինս նշանակել էր մի շարք հետազոտություններ, որոնց արդյունքում բացահայտվել է՝
• Կաթնամթերքի նկատմամբ անհանդուրժողականություն (լակտոզայի անտանելիություն)։
Բուժման արդյունքները
Կաթնամթերքը բացառելուց հետո՝
• Կարգավորվել է աղիների բնականոն գործունեությունը
• Բարելավվել է ընդհանուր ինքնազգացողությունը
• Արյան ցուցանիշներից ՝ ֆոլաթթվի և երկաթի մակարդակները բարձրացել են։
Արդյունքում՝ բարելավվել է նաև ընդհանուր վիճակը։
Եվ ամենակարևորը՝ անհետացել է եղնջացանը։ Մաշկային ցանը և քորը լիարժեք վերացել են։
Ամփոփում
Տվյալ կլինիկական դեպքը ևս մեկ անգամ փաստում է, որ եղնջացանանը, քրոնիկ թուլությունը և տարբեր մաշկային ցաները կարող են ունենալ ոչ միայն ալերգիկ , այլև մարսողական համակարգի հետ կապված խորքային պատճառներ, որոնց անտեսումը կարող է հանգեցնել ոչ արդյունավետ բուժման։ Նման դեպքերում կարևոր է հիվանդի բազմակողմանի գնահատումը և համակարգային մոտեցումը։
Ամրագրեք Ձեր այցը ալերգոլոգ-իմունոլոգ Նելլի Մերտզանիդուի մոտ՝ Doctor Yan հավելվածում կամ doctoryan.am կայքում։