Հոնքերի փոխպատվաստում մեր կլինիկայում

Նյութը պատրաստվել է մաշկաբան-տրիխոլոգ Գայանե Եղիազարյանի կողմից։

Հոնքերի փոխպատվաստումը ժամանակակից միկրովիրահատական մեթոդ է, որի շնորհիվ հնարավոր է վերականգնել հոնքերի բնական ձևն ու խտությունը՝ օգտագործելով ձեր իսկ մազերի ֆոլիկուլները։

Այս միջամտությունը կատարվում է տեղային անզգայացման պայմաններում, լիովին անցավ է և անվտանգ, չի պահանջում հոսպիտալացում։ Տևում է միջինը 3-ից 5 ժամ ՝  կախված ցանկալի խտությունից և ձևից։

Ինչպե՞ս է իրականացվում հոնքերի փոխպատվաստումը

1. Խորհրդատվություն և ձևի ընտրություն

Առաջին հանդիպման ընթացքում բժիշկը կատարում է անհատական խորհրդատվություն, գնահատում է ձեր դիմագծերը և միասին որոշում եք իդեալական հոնքերի ձևը։

 2. Ֆոլիկուլների հավաքում դոնորային գոտուց

Սովորաբար մազային ֆոլիկուլները վերցվում են ծոծրակից՝ այն հատվածից, որտեղ մազերը հորմոնալ ազդեցության չեն ենթարկվում և չեն թափվում։

 3. Միկրոանցքերի ստեղծում հոնքերի հատվածում

Հատուկ գործիքներով ստեղծվում են միկրոանցքեր՝ պահպանելով մազերի բնական աճի ուղղությունն ու անկյունը։

 4. Ֆոլիկուլների փոխպատվաստում

Յուրաքանչյուր մազի ֆոլիկուլ փոխպատվաստվում է ձեռքով, հատ առ հատ, բարձր ճշգրտությամբ։ Սա ապահովում է բացառիկ բնական և գեղագիտական արդյունք։

Երբ է ցուցված հոնքերի փոխպատվաստումը․

 • Բնածին բարակ կամ բացակայող հոնքեր

 • Հոնքերի չափից շատ հանելու հետևանք

 • Սպիներ, այրվածքներ, անհաջող տատուաժ

 • Ալոպեցիա կամ մազաթափություն

 • Ցանկություն՝ հոնքերի ձևի կամ խտության բարելավման

Վերականգնում և արդյունքներ․

 • Առաջին օրերին կարող է լինել թեթև կարմրություն կամ այտուց, որոնք արագ անցնում են։

 • 2–4 շաբաթ անց փոխպատվաստված մազերի մի մասը կարող է թափվել՝ սա բնական և ժամանակավոր փուլ է։

 • Նոր մազերի աճը սկսվում է 2–3 ամսից, իսկ վերջնական արդյունքը նկատելի կլինի 6–8 ամիս հետո։

Փոխպատվաստված հոնքերը կլինեն մշտական և կաճեն բնական ձևով։ Կարող եք դրանք կտրել, սանրել կամ ներկել՝ ըստ նախընտրության։

Ամրագրեք ձեր այցը մաշկաբան-տրիխոլոգ Գայանե Եղիազարյանի մոտ Doctor Yan հավելվածի միջոցով կամ doctoryan.am կայքում՝ առանց զանգի։