Կարճատեսության լազերային շտկում․ այն ամենը, ինչ պետք է իմանա պացիենտը

Նյութը պատրաստվել է մեծահասակների և մանկական ակնաբույժ, ռեֆրակցիոն վիրաբույժ Մարիամ Վարդանյանի հետ համատեղ։

Տեսողության վատթարացումը մեր ժամանակներում դարձել է շատ տարածված խնդիր։ Մասնավորապես, կարճատեսությունը (միոպիա) ազդում է միլիոնավոր մարդկանց վրա՝ դժվարացնելով հեռավոր օբյեկտների ընկալումը։ Սակայն ժամանակակից բժշկությունն առաջարկում է այս խնդրի անվտանգ և արդյունավետ լուծում՝ տեսողության լազերային շտկում։

Այս հոդվածում կներկայացնենք՝ ինչ է կարճատեսությունը, ինչպես է իրականացվում լազերային շտկումը, երբ է այն ցուցված կամ հակացուցված, ինչ արդյունքներ սպասել և ինչպես նախապատրաստվել վիրահատությանը։

Ի՞նչ է կարճատեսությունը

Կարճատեսությունը (միոպիա) ակնաբուժական վիճակ է, երբ մարդը լավ է տեսնում մոտիկ օբյեկտները, բայց՝ մռայլ կամ մշուշոտ՝ հեռավորները։

Դա տեղի է ունենում, երբ աչքի առաջահետին առանցքը «երկար» է կամ եղջերաթաղանթը չափից շատ կորացած է, և արդյունքում լուսային ճառագայթները կենտրոնանում են ցանցաթաղանթից առաջ։

Ի՞նչ է լազերային տեսողության շտկումը

Լազերային շտկման նպատակն է փոխել եղջերաթաղանթի ձևը, որպեսզի լույսը ճիշտ կենտրոնանա ցանցաթաղանթի վրա՝ ապահովելով պարզ տեսողություն։

Ամենատարածված լազերային մեթոդներն են՝

1. LASIK (Laser-Assisted In Situ Keratomileusis)

Եղջերաթաղանթի վերին շերտից բարակ ֆլեպ է կտրում (բացվում), լազերով փոփոխվում է խորքի ձևը, և հետո կտրված ֆլեպը վերադարձվում է իր տեղը։

2. PRK (Photorefractive Keratectomy)

Եղջերաթաղանթի վերին շերտը ամբողջությամբ հեռացվում է, և լազերը ուղղակիորեն ազդում է եղջերաթաղանթի վրա։ Կիրառվում է բարակ եղջերաթաղանթի դեպքում։

3. Trans-Epi PRK (Trans-Epithelial Photorefractive Keratectomy) – Ռեֆրակցիոն լազերային վիրահատության տեսակ է, որի միջոցով շտկվում են տեսողության ռեֆրակցիոն խանգարումները։ Սա առանց աչքին հպման լազերային մեթոդ է, որը համարվում է PRK տեխնիկայի առավել զարգացած տարբերակը։

4. SMILE (Small Incision Lenticule Extraction)

Նորագույն մեթոդ է՝ փոքրիկ կտրվածքով լազերը հեռացնում է եղջերաթաղանթի ներսի բարակ շերտ՝ առանց ֆլեպի։ Ավելի քիչ վնաս և արագ ապաքինում։

Ո՞վ կարող է անցնել լազերային շտկում

Ցուցված է՝

Տարիք՝ 18 տարեկանից բարձր անձանց
Առնվազն 1 տարի կարճատեսության աստիճանը առանց մեծ փոփոխության
Առողջ եղջերաթաղանթ և ցանցաթաղանթ
-1.00-ից մինչև -10.00 դիոպտրիա կարճատեսություն

Չկան աչքի բորբոքային հիվանդություններ կամ համակարգային խնդիրներ, ինչպիսիք են շաքարախտի որոշ ձևեր։

Հակացուցումներ

Բժիշկը կարող է մերժել լազերային շտկումը, եթե.

Կարճատեսության աստիճանը արագորեն փոփոխվում է
Ունեք կոնուկտիվիտ կամ կերատոկոնուս
Առկա է հղիություն կամ կրծքով կերակրելու շրջան
Կա չվերահսկվող շաքարային դիաբետ կամ ռևմատիկ հիվանդություն
Դուք ունեք ոչ-իրատեսական ակնկալիքներ

Ինչպես է կատարվում նախնական զննումը

Վիրահատությունից առաջ կատարվում է մանրամասն ակնաբուժական զննում՝ ներառյալ՝

Տեսողության ստուգում
Գլաուկոմայի, ցանցաթաղանթի և եղջերաթաղանթի վիճակի գնահատում
Եղջերաթաղանթի հաստության չափում (պենթաքամ, պախիմետրիա)
Եղջերաթաղանթի ձևի ստուգում։

Ամրագրեք ձեր այցը մեծահասակների և մանկական ակնաբույժ, ռեֆրակցիոն վիրաբույժ Մարիամ Վարդանյանի մոտ՝ Doctor Yan հավելվածով կամ Doctoryan.am կայքի միջոցով և խուսափեք ավելորդ զանգերից և հիվանդանոցային հերթերից։

Ի՞նչ է տեղի ունենում վիրահատության ժամանակ

Վիրահատությունն իրականացվում է տեղային անզգայացումով
Տևողությունը՝ 4-15 րոպե՝ երկու աչքի համար միասին
Դուք ամբողջ ընթացքում արթուն եք և հետևում եք բժշկի ցուցումներին

Վիրահատությունից հետո կարող են լինել կարճատև հետևանքներ, ինչպես օրինակ մշուշոտ տեսողություն, արցունքահոսություն։

Վերականգնման փուլ

LASIK-ի դեպքում․

Տեսողության զգալի բարելավում արդեն հաջորդ օրը
Ամբողջական ապաքինում՝ 1-2 շաբաթում
Աշխատանքին վերադառնալը՝ 2-3 օրում

PRK-ի դեպքում․

Վերականգնումը դանդաղ է՝ 5-7 օր
Աչքում կարող է լինել ավազահատիկի զգացողություն

SMILE-ի դեպքում․

Ավելի արագ ապաքինում
Աչքերի քիչ չորություն

Արդյունքները և հնարավոր ռիսկեր

Արդյունքները՝

95-98% պացիենտները հասնում են 100% տեսողության կամ դրան շատ մոտ ցուցանիշի
Տեսողության աստիճանը մնում է կայուն տարիներ շարունակ
Կարող եք հրաժարվել ակնոցներից և լինզաներից

Հնարավոր բարդություններ (շատ հազվադեպ)՝

Չոր աչքեր՝ ժամանակավոր
Լույսի ցոլք գիշերային ժամերին
Վերականգնման դանդաղում PRK-ի դեպքում
Կորեկցիայի թեթև թերություն՝ որը հնարավոր է ուղղել երկրորդ փուլում

Հաճախ տրվող հարցեր

1. Ցավո՞տ է արդյոք լազերային շտկումը։
Ոչ։ Կատարվում է տեղային անզգայացմամբ։ Առաջին ժամերին կարող է լինել քոր կամ արցունքահոսություն։

2. Կարո՞ղ է տեսողությունը վատանալ հետագայում։
Իրականում՝ ոչ, եթե աչքի ձևը կայուն է։ Բայց տարիքի հետ զարգացող խնդիրները (օրինակ՝ տարիքային հիպերօպիա) հնարավոր է պահանջեն լրացուցիչ ակնոց։

3. Կարո՞ղ եմ նորից կրել լինզա կամ ակնոց։
Բուժումից հետո լինզա կրելու կարիք սովորաբար չկա։ Բայց եթե առանձին խնդիրներ լինեն, կարելի է օգտագործել։

Ամփոփում

Տեսողության լազերային շտկումը արդյունավետ, արագ և անվտանգ լուծում է նրանց համար, ովքեր ցանկանում են ազատվել ակնոցներից կամ լինզաներից։ Եթե ունեք կարճատեսություն և տեսողության կայուն խնդիրներ՝ արժե խորհրդակցել ակնաբույժի հետ և անցնել անհրաժեշտ զննություն։

Ձեր վերականգնված տեսողությունը կարող է խիստ բարելավել ձեր կյանքի որակը։