Առողջություն

12 months ago

Թութքը՝ հղի կանանց մոտ

Նյութը պատրաստվել է վիրաբույժ-պրոկտոլոգ Վիկտորյա Պողոսյանի հետ։

Թութքը թութքային հանգույցների ախտաբանական  մեծացումն է, դրանց արտանկումը հետանցքային ուղուց և դրանց հաճախակի բորբոքումը։

Հղիության ընթացքում թութքի առաջացումը  պայմանավորված է մեծացող արգանդի ներգործած ճնշմամբ փոքր կոնքի օրգանների վրա, որտեղ և գտնվում է ուղիղ աղին և հեմորոիդալ հանգույցները։

Հղիության ընթացքում թութքի առաջացումն անմիջական կապ ունի կնոջ կենսակերպի հետ նախքան հղիությունը՝ նստակյաց կյանք, անառողջ սնունդ, փորկապություններ, ժառանգական գործոններ, ֆիզիկական ակտիվության պակաս։

Թութքի առկայության դեպքում անհրաժեշտ է դիմել պրոկտոլոգի խորհրդատվության թե՛ հղիության ժամանակ, և թե՛ ծննդաբերությունից հետո։

Կանխարգելման նպատակով առաջին հերթին պետք է լինել ակտիվ ֆիզիկական վիճակում, հետևել սննդակարգին, խուսափել կծու, թթու սննդի չարաշահումից, խուսափել փորկապություններից, կարգավորել աղեստամքոսային տրակտի աշխատանքը, հետևել հիգիենային

Հղիության ընթացքում թութքի բուժման հիմնական մեթոդները դիետայի և հիգիենայի կանոնների խիստ պահպանումն է։ Հնարավոր է նաև կոնսերվատիվ բուժում՝ մոմիկների, քսուքների և դեղահաբերի միջոցով։

Բժշկուհի Վիկտորյա Պողոսյանի մոտ Ձեր այցը Իզմիրլյան ԲԿ-ում կարող եք ամրագրել Doctor Yan հավելվածի միջոցով։

ԿԻՍՎԵԼ՝